جتني تقول ودمعها يسبـق القـول

جتني تقول ودمعها يسبـق القـول
حان الفـراق وكـل حـي لطريقـه
غير الفراق أرجوك ما عندي ا حلول
قدر صوابـي والظـروف الدقيقـه
أرجوك ساعدني ترى الفكر مشلـول
لولا غلاك اخفيـت عنـك الحقيقـه
واغيب واترك سر فرقـاي مجهـول
واصبر على الهجران لوهو حريقـه
هنا وقفت بموقف الحـزن مذهـول
وصرخت صرخه وسط جوفي عميقه
وسالتها والرمش بالدمـع مبلـول
والحزن يخنقني وروحـي سقيمـه
قلت الفراق يطول؟؟قالت على طول
اصبر وقلت الصبر محـدن يطيقـه
احدن يعرفك يتلع الجيـدو الطـول
ويفارقك يـام الوصـوف الرقيقـه
وقامت توصيني على الحب وتقـول
في ذمتـك كـل العهـود الوثيقـه
تقول لاتنسى غرامـي وانـا اقـول
ينسانـي الله لونسيـتـك دقيـقـه
وراحت وصار القلب بالحزن ما هول
والجرح ينـزف والنواظـر غريقـه
حبيبتي من دونها السيف مسلـول
بنت الشرف نسل الاصول العريقـه
حبيبتي في شوفها الجهـد مبـذول
وبنلتقي رغـم الظـروف المعيقـه

» كيف تقول لابويك انك تريد الزواج