وحشك الميمة .......

وحشك الميمـة

وحدي ياناس فالبيت لما جات لبالي

صورة لميـمة و عليـها شحال بكيـت

والله وحـدو العالم بحالـي و احوالي

مـن وحشهــا يا ناس شحــال قسيت

****

لا فيـوم صورتـها تنسات مـن بالي

و لا عمـري فيـوم علـى حبهـا تخليت

غيـر دمـوع نازلة من العيـن تلالي

و تحكـي للناس حالـي و كيـف وليت

****

شحال احلمنا مـن احــلام باقية فبالي

لا احلامــنا تحققــت و لا انا تهـنــيت

كـان حضنها مخــدة و كفوفـها منديلي

برضاها شاملانـي مــن يـوم ما وعيت

****

كانت وردة عبـيرها فايـح فالاعالـي

كانت شمـعــة بنورهـا مضــوية البيت

كانت قلب كبـير صابــرة لــي لهبالي

معاهــا عمرنـي ما تـهديت و لا تكويت

****

فضلها كبير علي ياريتها تسنات فضالي

فداها القلب و الروح و مهما ليها هديت

يامايا فينك نحكي ليك حالتي و ما جرالي

من بعدك الدنيا ظلامت وخوا عنا البيت

****

شوقـك الحبيـبة شـوق كـبير و غالي

و مــن وحشــك الميمة رانـي تقاضـيت

غبتي الميمة و معاك خابت كل آمالي

لكـن هـذا قـدر و القـدر بـه انا رضيت